Manila, Blue Eagles at Siksikan sa Divisoria

Mapalad ako bilang maging representante ng aming unibersidad sa katatapos lamang na kumperensiya patungkol sa pagtuturo ng etika na ginanap sa Leong Hall ng Ateneo de Manila. (Hindi na po kailangang itanong kung sinasabuhay ko yan.) Ibang-iba talaga sa Manila. Bilang isang binatang lumaki sa probinsiya ng Palawan, patuloy akong namamangha sa naglalakihang gusali, nakapalibot na malls, at humaharurot na jeep. Hindi ko na kailangang banggitin ang bilis na galaw ng mga tao, na parang laging may hinahabol, at syempre, ang matinding siksikan sa Divisoria. Gayunpaman, sulit pa rin dahil nakabili ako ng shorts at damit na halos hindi bumawas sa timbang ng aking pitaka. Pero syempre higit sa lahat, hindi kumpleto ang puna ko kung hindi ko babanggitin ang walang iba kundi ang apoy sa mata nating mga lalaki: ang kadalagahan ng Manila.

Wow. As in nganga. Napansin ko na yan noong paminsan-minsan akong pumunta sa Maynila. Kung taga-diyan ka, malamang hindi mo yan mapapansin, dahil ituturing mo silang normal. Pero sa kagaya ko na laking probinsiya, ang nangingislap na kutis nila, maaliwalas na mukha, maiigsing shorts at mapanghamon na mga galaw ay talaga namang panibagong karanasan. Mas marami pa ata akong nakitang mas magaganda sa tatlong araw na pananatili ko kumpara sa mga babaeng nakikita ko sa telebisyon.

Ngunit, may aaminin ako sa inyo. Hindi ko nagawang lumapit ni isa man sa kanila, sa pakay na gusto kong maatim kasama sila, kaibigan man o higit pa. Wala akong kasamang pumunta doon, kaya nong makita ko pa lang na lahat ay may kausap at masaya sa kanya-kanya nilang mundo, nakaramdam ako ng panghihinayang na isama ang aking mga kaibigan. Sa kabila non, naglakas loob pa rin akong lapitan ang grupong una kong nasalubong. Ngunit puro sila lalaki, at lahat sila ay galing din ng seminaryo, tulad ko. May iilang mga dalagang nakikipag-usap sa ilang sulok ngunit hindi ko alam bakit ni hindi ko magawang magtanong o kausapin man lang sila. Nagawa kong lumapit at magtanong sa isang dalaga, pero yon ay dahil siya ay nasa registration booth! Kung hindi pa dahil dun, wala man lang akong nakausap na babae sa tatlong araw na pananatili ko roon. Marami akong bagay na napagtanto dahil dito, mga bagay na maaaring makatulong sakin (at sa inyo) sa susunod na gustuhin man ng kung sino sating lapitan sila:

1)      Mahalaga ang presensiya ng mga kaibigan–Ramdam ko na mas ganadong lumapit sa mga dalaga kung may mga kaibigan ka sa tabi na handang makipagbiruan sayo, at higit sa lahat, na may pakay din ng tulad sayo. Kung hindi ka man pansinin ng mga babae, may mga kaibigan kang magpapalakas ng loob mo, o tatawanan lang ang minsang kahihiyang ginawa mo sa harap nila. Maaari rin namang sila ang lumapit, at ikaw ang tatawa kung sakaling sila ang madapa sa kahihiyan. Anuman ang mangyari, ang mahalaga ay may suporta kang ramdam, mula sa mga kaibigang may halintulad na mithiin ng tulad sayo. Isa pa, ang presensiya ng mga kaibigan ay magsesenyas na isa kang taong marunong makisama, dahil may mga kasama kang kaibigan na madalas ay nasa tabi mo.

2)      Wag mong pag-isipan ang approach. ­ - Isa sa mga nagdulot sakin ng kaba ay ang pag-iisip ng kahahantungan ng gagawin ko: magugustuhan kaya nila ako? Hindi ba sila busy? Magkakainteres kaya sila sa isang tulad ko? Ngunit sa pagninilay-nilay ko, ginawa ko lang nakakatakot ang approach,sapag-iisip kong mga bagay-bagay. Dahil nung sinubukan kong lumapit sa iilang lalaki, nagawa kong kausapin sila, at makipagtawanan, ng hindi naman yon pinagiisipan. Sa susunod, makakatulong ang tinatawag na 3-second rule, kung saan sa oras na makakita ka ng babaeng gusto mong lapitan, lapitan mo sya sa loob ng tatlong  segundo ng sagayon, hindi mo na kailangang pag-isipan pa ang anumang magaganap sa pagitan ninyo. Isa pa, ituring mo silang normal na tao, mabubuti at may natural na kagustuhang makipagkaibigan, at hindi anghel na may di maabot na halaga para sa ating mga taga-lupa. (Alam ko, it’s damn hard, mi amigo.)

3)      “Anuman ang gagawin at sasabihin ko, alam ko na lilitaw tong astig” – Ito ang isa sa pinakamahalagang mindset sa pakikipagkilala sa iba’t-ibang tao, hindi lamang sa mga babae. Magtiwala ka na anuman ang gawin o sabihin mo, lalabas at lalabas ang personalidad mong alam mong magiging kaiga-igaya sa ibang tao. Lahat tayo ay may personalidad na interesante sa kung sino man; kailangan lang nating matutunang ilabas ito, at isa sa mga paraan para magawa yon ay para isaisip at isapuso ang mantra na ito. Bilang isang idealistic na guro, gusto ko na lumitaw na masaya ang mga klase ko. At tuwing nagsisimula akong mag-isip ng mga puedeng sabihin na tingin ko ay magiging katuwa-tuwa sa klase, inaalala ko lang ang mantra ko na to, at lo and behold, hindi ako lumalabas ng klase ng hindi ko sila napapahagalpak sa tawa. (At bago kayo mag-isip ng kung anuman, ang priority ko ay matuto sila ng aking leksyon; gusto ko lang na matuwa sila paminsan-minsan ng sa gayo’y maging kumportable silang makinig at matuto sa klase.) Hindi ko pa nasusubukang gawin ito sa konteksto ng pakikipagkilala sa mga babae, pero gaya ng sa klase ko, malaki ang tiwala ko na higit na makakatulong ito sa magiging resulta ng approach.

Ilan lang to sa mga bagay na natutunan ko sa aking maikling paglalakbay sa malaki at mabilis ng mundo ng Maynila. Ano pang hinihintay niyo? Sa susunod na makita niyong kadalagahan diyan, lapitan niyo na, at tuklasin sa sarili niyong paraan ang mga bagay-bagay at ideyang makakatulong sa inyo upang makilala, mapasaya at maangkin sila. ;)

Pano Maging Lalaking Mala-Yolanda ang Dating?

Una sa lahat, gusto kong malaman ng aking mga tagapagbasa, na nagpapasalamat ako sa inyo, dahil ngayon, alam kong may nagbabasa ng mga posts ko, at may naapektuhang tulad niyo. Heck, talaga nga namang nakakainteres ang mga ganitong usapan, lalo na kapag naglalakad ka sa daan, at masasalubong ang mga mukhang anghel na hindi mo aakalaing pinanganak dito sa lupa. At mararamdaman mo sa loob mo, and tila umaapoy na tawag na lapitan at magpakilala sa kanila. 

Mga kumpay, anuman ang ugali ng isang babae – masungit, mataray, at suplada – hindi nila maikakaila na mapapalingon sila sa isang lalaking MALAKAS ang DATING. Pansinin mo, ang isang lalaking maappeal, maappeal sa karamihan ng mga babae. Alam ko na alam niyo ang tinutukoy ko: ito yong lalaking na kapag pumasok sa isang usapan, nililingon ng lahat. Nagrereact ang lahat sa sinasabi niya. Lagi siyang pinaguusapan ng mga nakakakilala sa kanya. Meron siyang kakaibang pagtingin sa mga bagay-bagay na lumalabas na katuwa-tuwa at interesado sa lahat. Marami itong katangian, pero ang nagbubuklod sa ganitong tipo ng mga lalaki ay kung paano siya makahatak ng reaksyon sa lahat. Iba ang dating nito sa mga girls, maniwala kayo mga tol. So, ang tanong, paano nga ba maging ganitong tipo ng lalaki, na parang bagyong Yolanda ang dating? Eto ang ilan sa mga mungkahi ko para maatim ang ganitong estado:

1)      Ayusin mo ang porma mo – Kung magsusuot ka ng puting sapatos, o sapatos na may puti sa ilalim, linisan mo to ng mabuti. Iba ang dating ng mga lalaking namumuti ang sapatos. Gupitin mo ang mga mahahabang buhok mo sa ilong, nakakaturn-off yan pare. Magtoothpick ka, pagkatapos kumain ng karne, nakakahiya naman kung siya pa ang pupuna ng nakasingit na karneng baka diyan sa bagang mo. Sumuot ka ng maayos na damit, hindi kailangang bago, basta hindi ganon kalaki, na mukha kang zombieng nawawala sa daan, at di rin ganon kaliit na para ka namang malagkit na siniksik sa dahon ng saging. Ang biswal niyang aspeto ang gusto mong mahatak mo dito. 

2)     Ayusin mo ang amoy mo – Wag kakalimutang magpabango. Yong tama lang yong lakas, wag masyadong malakas na para kang naligo sa isang drum ng pabango. Pumili ka ng pabango na smooth ang dating, di ganon kalakas, pero gagalaw ang mga kalamnan niya sa ilong. Maligo din ng maayos, at pakihilod naman ang namumuong brownies dian sa leeg at batok mo. Isang linggo na yang nandiyan. 

3)      Bigyang atensiyon ang enerhiya sa katawan mo – Hindi mo kailangang maging Super Saiyan para maayos mo ang aspetong to.

Pero kailangan na punong puno ka ng pwersa kapag gagawin mo na ang paglapit sa kanya, o makikipag-usap mula sa kawalan. Iwasan na lagi kang magpuyat, dahil makakaapekto ito sa lakas mo. Bawas-bawasan ang panonood ng Maria Ozawa tuwing hatinggabi. Ilaan mo ang enerhiya mo sa mga bagay na may kabuluhan. Kumain ng prutas at gulay. Gawing parte ng buhay mo ang pag-eehersisyo, tulad ng pagjojogging. Mas mabuti kung mag-eenroll ka sa gym; iba ang nagagawa ng ehersisyo sa katawan at diwa mo. Magagawa mong lumapit sa mga girls kahit dis oras ng gabi, na para bang fully charged pa rin ang baterya mo. Alam ko may iba-iba tayong paraan para maabot ang bagay na to, ang mahalaga ay mabigyan natin ito atensyon. 

4)      Bigyan ng swag ang paglalakad mo – Ito yong paglalakad na, hindi sobrang bilis, at hindi rin sobrang bagal na para kang naglalakad sa outer space. Lumakad ka na tipong inaantay ng lahat ng tao ang pagdating mo. Kapag nakita ka na niya, o nagsalubong ang inyong tingin sa kalahating segundong saglit, ang mithiin mo ay ang maalala niya si James Bond sa paglalakad mo. Wag ka lang magdadala ng baril.

Higit sa lahat, diretso ang atensyon ng lalaking malakas ang dating. Ano ang ibig kong sabihin dito? Dahil napakalawak ng topikong ito, nararapat lamang na bigyan ko siya ng hiwalay na pagsusuri. Hanggang sa muli, aking kaibigan.

Anong Klaseng Tao ka?

Ngayon, sana naman nakuha mo na na ang diskarte sa babae ay hindi masyadong nakadepende sa mga nilalaman ng sinasabi o ginagawa mo kundi sa puhunan kung san nagmumula ang mga yon: ang yong PERSONALIDAD.
Kahit anong joke pa ang sabihin mo, o anong klaseng bulaklak pa ang ibigay mo sa kanya, walang kwenta yon kapag wala silang malalim na pinanggagalingan. Kailangan magkaroon ka ng personalidad. Kapag meron kang personalidad, karamihan ng sasabihin mo ay hindi mo na kailangang paghandaan, dahil dumarating sila sa mga normal mong pakikipag-usap. Sa ibang tao, ang lupit na ng dating mo, pero dahil IKAW yon, hindi ka nagtataka dahil nagpapakatotoo ka lang naman. Ngayon, karamihan sa atin ay hindi nagsisimula na may personalidad. Nagsisimula tayo sa panggagaya ng iba: kumukuha ng ibang istilo, ibang linya, ibang diskarte mula sa malulupit na tao. Walang masamang magsimula don (dahil don din ako nagsimula) pero darating ang punto, na kailangan nating hanapin ang personalidad na talagang kinabibilangan natin.
Ngayon, may mga qualities ang isang lalaking lapitin sa girls (yeah!) na pwede nating iensayo at ipasok sa sarili nating personalidad. Ilan sa kanila ay ang mga ito:

*Magaling Magpatawa - Me nakita ka ng chickboy na laging seryoso? Duh. Me isang binatang nanligaw sa girlfriend ko ngayon. Guapo siya, may kaya, mabait at mapagbigay. Isa lang ang hindi matanggap sa kanya ng girlfriend ko: masiyado siyang SERYOSO. Wag mo namang patulugin ang girlfriend mo. Bale, pagtutuunan natin ng pansin ang quality na to sa susunod kong post.

*Maayos sa Mata - Hindi kelangan na guapo. Marami akong kilalang walang itsura pero lapitin ng mga babae. Ang kelangan lang e maging desente manamit. Maayos pumorma. Malinis sa katawan. Hindi kelangan ng macho (pero mas maganda kung hindi lang buto-buto, aray ko).

*May Estado sa Lipunan - Kapag kilala ka na, hindi ka na mahihirapang magestablish ng pangalan mo, lalo na kung kilala ka na ng babaeng liligawan mo. Ngayon, hindi rin naman kelangan na sumali ka ng Starstruck o magpakahiya sa Pilipinas Got Talent. Ang estadong tinutukoy ko eh, kung tapos ka ng mag-aral, meron ka ng maayos na trabaho, at maraming palamuting medalya sa pangalan mo (Best Athlete, Best Actor, Best of the Best, etc.) Hindi naman kelangan maging pormal. Kung kilala ka sa inuman bilang "bida ng gabi", o sa klase bilang "kiliti ng lahat", o sa pamilya bilang "pampasaya ng araw", eto ang tinutukoy ko. Me maayos na imprinta ng pangalan mo sa mga taong kilala mo (o kahit di mo man kilala.) Ang kagandahan nito, ang estado ang isa sa mga sangkap na magpapatibay ng dating ng personalidad mo. Kapag sanay ka ng maging bida ng inuman, malamang ganyan ka rin kapag dalawa na lang kayo at naglalakad sa kung anuman. Una, kapag nalaman ito ng babae, malaking puntos kaagad siya sayo. Ang pagkakaroon mo ng maayos na trabaho ay magpapakita sa kanya ng pagiging responsable at mature mong tao (na gustong gusto nila, lalo na kapag nag-iisip na sila ng taong papakasalan nila). Pangalawa, sa sarili mo, ang estado mo sa lipunan ang magsesem,ento ng personalidad mo na lilitaw kapag kaharap mo na siya, o kinakausap. Yan ang isang bagay na hindi madaling mapeke. Kaya mapapansin mo na iba ang pakikitungo ng mga taong me estado, sa mga taong walang pakialam sa kinalalagyan nila sa lipunan.

*Kakaiba sa Lahat - Hindi ko sinabing magermetanyo ka. Ang sinabi ko kakaiba ka. Oo, yon nga. Madalas naririnig natin to sa mga girls, "gusto ko siya, kakaiba siya kesa sa mga ibang lalaking kilala ko." Ano ang pinupunto nito? Isang lalaking marunong mag-isip at mamuhay sa sarili niyang paraan. Hindi gaya-gaya, puto maya. As in kakaiba. Ilan sa mga paraan para maging kakaiba.

1) Magbasa ka ng pilosopiya - Pilosopiya ang natapos kong kurso ko at konti lang ang taong nakakaalam niyan, kaya konting kaalaman diyan ay magbibigay ng kakaibang sigla mula sayo. (Wag ka lang magpasobra, baka maging werdo ka. Hehehe.) Pilosopiya ang nagbigay sakin ng daan para matutong mag-isip at magdesisyon sa sarili kong paraan.

2)Sarili mong bati, sariling expression, sariling reaksiyon - "Ay, bulalakaw." "Kursit ng Daga!" Isa sa sinubukan ko e gumawa ng mga salitang baliktad. Tormots na ang tawag ko sa motor, arepz sa pera, kultikz sa, ahem, alam mo na. Sinimulan ko, nakasanayan, at sa ngayon, ginagaya na ng mga kaibigan ko (puede naman, kahit ikaw). Kapag naririnig eto ng mga hot girls na kilala ko, natatawa sila dahil hindi nila madalas naririnig eto sa iba. As in, kakaiba. Kuha mo? Ngayon na umuuso ang mga expressiong Vice Ganda, magandang pagkakataon eto para ipakita mo ang personalidad mo. Wag kang gaya-gaya. Tapatan mo si Vice Ganda. Sa sobrang kilala na ng expression niya, mawawalan din ng dating yan katagalan. Anong gawin mo? Tapatan mo. Gayahin mo ang mga taong gumagaya dito, pagpaparamdam na sawang-sawa ka ng marinig sila, pero pisilin mo sa pisngi para nagagalit sila sayo habang pinipigilan ang kilig. O di ba, kakaiba yon.

* May Ambisyon sa Buhay - Maraming bagay ang ipinaparamdam ng taong may ambisyon. May direksyon ang buhay so masaya ang mga babaeng kasama ka, at makarelasyon, dahil nakikita nilang me direksyon ang buhay mo. Kung me alab kang bigyan ng direksyon ang buhay mo, malamang ganon ka rin pagdating sa relasyon. Kaya ang quality na to ay gaya rin ng iba ay hindi mo mapepeke. Hindi puedeng magpanggap ka lang na may ambisyon para makuha mo siya. Kelangan maging ambisyoso ka talaga. Kung wala ka pa nito, simulan mo na. Hindi nagkakamali ang Kamikazee na maging AMBISYOSO, dahil hindi lang ito ang nagpapainit ng buhay, kundi nagpapainit din ng iyong pagkalalake. So, ano na ang mga ambisyon mo? Kung wala ka pa, kumuha ka na ng notebook, o laptop, at isulat mo na isaisa. Pagkatapos, tigilan mo na ang araw-araw na pagkatulala sa maghapon, o pagtambay sa kanto. Simulan mo ng tuparin ang mga bagay na sinulat mo.

Old-School Panliligaw

Old-School Panliligaw

Nag-iisa ka sa may kanto. Katatapos lang ng klase mo. Habang umiinom ka ng napakasarap na juice na tinitinda sa paborito mong tsangge, nakasulyap ka ng isang babae na lumitaw mula sa kawalan.

Shit. BABAE! Nakakapalaking-matang katawan. Panalong Porma. Kaputian at kutis na wala ka ng mahahangad pa. Shit. Isa pa, kausap siya ng pinsan mo. Magkaklase ata sila. Hindi mo alam, pero napangiti ka. At alam mong matamis pa sa iniinom mong juice ang ngiti mo.

Ngayon, ano ang unang-unang papasok sa isip mo? Malamang eto: liligawan mo ang babae sa tulong ng pinsan mo(sana lang hindi niya girlfriend di ba?) at sa paraan ng nakalakihan mong panliligaw. Tama?
Old-school.

Ngayon, eto lang ang masasabi ko: hindi na epektibo ang ganitong istilo. O maaring umepekto pa rin eto, pero kadalasan hindi na eto pumapatok sa takilya. Matatalino ang mga babae lalo na sa panahon ngayon. Kung naghahanap ka ng babaeng mataas ang kalidad – as in matalino, maganda, malambing, at seksi – hindi mo na to madadaan sa mga old-school na linya. Hindi linya ang kailangan nila. IKAW. IKAW ang dapat nilang magustuhan, at hindi ang mga props na pwedeng mawala sayo.

Anong ibig kong sabihin? Kailangan nilang magustuhan eh ang karakter mo. Kapag meron kang karakter, hindi na mahirap ang mga linya. Kung babato ka ng linya, por ejemplo, at ginawa mo eto para magustuhan ng babae, maaring magustuhan ka niya sa una, pero kung hindi mo eto binanggit bilang natural na paraan ng paglalahad mo ng sarili mo, darating ang panahong mapapanis na ang mga sinasabi mo. Ngayon, malamang merong gustong magreklamo diyan: “Eh pareng kuyzak, meron akong mga kilala magaling sila sa diskarte kasi marami silang alam na linya pagkausap ang babae.” Ngayon, hindi ko sinasabing wag mong banggitin ang mga linya o gawin ang mga pakulong gusto mo. Ang sinasabi ko eh, gawin mo eto bilang natural na pagpapakita ng sarili mo. Kung ang personalidad mo sa ngayon ay isang seryosong tao, magiging di makatotohanan ang pagbibiro mo. Hindi yon papantay sa nakasanayan mong personalidad.

Kaya makakakita ka ng mga lalaking babato ng linyang bomba, at tatawa ng konti ang babaeng kausap pero di katagalan, magkakaroon ng nakakaasiwang katahimikan. (At kaya minsan may pagkakataon ding me linyang grabe na kakorni, as in nailibing na nong panahon pa ni Marcos e, nagiging katatawa pa rin kapag binanggit ng isang lalaki. Anong pinag-iba? May personalidad ang lalaki.)Napansin ng babae na hindi ayon ang personalidad ng lalaking sa bagay na ginagawa niya. Para bang, ginagawa lang ng lalaki ang mga bagay na ito para makuha ang pagsangayon ng babae. Nakakahinala to sa babae. Syempre, iisipin nia (lalo na kung matalino ang babaeng kaharap mo): Bakit niya tinatago ang sarili niya? Bakit gusto niyang makuha ang sang-ayon ko? Bakit niya sinasadyang magpatawa sa harap ko kahit korni naman siya? Baka dahil, me gusto lang siyang makuha sa akin. Kaya mapapansin mo sa ganitong mga pakikipag-usap, madalas talo ang lalaki.

Samantalang sa kabilang banda, makakatagpo ka rin ng mga lalake (eto yong mga tinuturing na magagaling dumiskarte) na lalapit sa isang babae o sa grupo ng mga babae, at di kalaunan, makikita mong tumatawa na ang mga dalaga at tuwang-tuwang kinakausap sila nitong idol mo. Bakit kaya? Mapapansin mo, (kung hindi, eh simulan mo ng pansinin) na ang pinapakita ng lalaki eh hindi mga props para makuha ang sang-ayon ng babae, nandun sila para lasapin ang sarap ng pagkakataon at dahil dito, nakukuha nilang maging masaya kahit san man sila, na nadadala nila kapag me nakakausap silang mga babae. Kuha mo?

Isa pa, kung hindi pa puputok ang utak mo. Sino ang mga taong natural na lapitin ng babae? Sino pa – eh di yong mga taong may personalidad. Mga lalaking maraming pinagkakaabalahan. Mga bagetz na maraming pinagkukunan ng saya – at di lang ang babae.

Kung takot kang ipakita kung sino ka, matatakpan ka ng ibang mas guapong kakompetensiya. Kailangan mong bumuo ng personalidad at hindi magsaulo ng mga linyang narinig mo kay Vice Ganda. Kailangan mo ng personalidad na magiging natural na paraan ng pagpapakita mo ng kung sino ka.

Ngayon anong personalidad ba ang meron ka? Eto ang MALAKING tanong. Tandaan, hindi linya, kundi karakter. Kapag may buo kang personalidad, natural na lalabas ang PANALONG diskarte. Ewan lang sayo. :D

Ano ang Panliligaw at Ano ang Diskarte?

Madalas nating marinig to. May kaibigan kang nanliligaw at may kaibigan karing magaling dumiskarte. As in sa chicks. Ok, ngaun, ano ang kaibahan?

Mahalaga ito, dahil makakaapekto sa isang babae ang pananaw niya sayo kung ikaw man ay nanliligaw o magaling lang makitungo sa mga babae. (As in, chick magnet ka dude.)

Kapag sinabing nanliligaw ang isang lalaki, ibig sabihin, nagsisimula na niyang suyuin ang babae. Kapag naramdaman ng babae na nanliligaw ka sa kanya o inamin mo na sa kanya o nagpaalam ka na na manliligaw sa kanya, ang madalas na magiging pagtingin ng mga babae dito ay GINAGAWA MUNA ANG LAHAT NG GINAGAWA MO DAHIL GUSTO MO SIYANG MAPASAGOT. Tama?

Sisimulan mo ng maging mabait. Magpaporma. Magpabango. Iloload siya kapag hindi siya nagrereply. Susubok magpatawa kahit korni naman. Marami pa. Ang problema, maiinterpret ito ng babae na para-paraan mo lang para mapasagot siya. At kapag sinagot ka na niya, natatakot siya na baka magbago ka. Baka mabait ka lang dahil nanliligaw ka. Kaya ka sweet at nagagawa mo pang ihatid siya sa bahay niyang pagkalayo-layo sa siyudad e dahil gusto mo siyang maging girlfriend. Eto ang dapat mong isawan. Hindi ka manliligaw. At wag na wag mong iisipin na dahil gusto mo siya eh manliligaw ka na.

Actually, meron akong napakagandang kaibigang babae na nagsabing ayaw niya ng idea ng panliligaw dahil pabalat lamang ito ng lalaki para makuha ang babae. Dapat daw yong natural lang. Yon ang idedevelop natin.

Ano yong natural na yon? Natural na pakikisama. Lalake sa babae. At yong sinasabing diskarte, patungkol yon sa paraan ng isang lalake ng kanyang pakikisama na kung saan nagagawa niyang pakiligin, patawanin, paisipin pati na painlabin ang isang babae (o mga babae).

Hindi tayo manliligaw; bubuo tayo ng diskarte. Hindi mo susuyuin ang babaeng magustuhan ka sa pamamagitan ng pagbabait-baitan, pagpapasa ng sweet quotes, pagbibigay ng bulaklak, atbp. Makikitungo ka sa paraang naayon sa kung sino ka, at sa paraang natural ka na magugustuhan ng babae.

Sa panliligaw, mabilis, dahil nagsisimula lang ito kapag may babaeng liligawan. Ang pagiging madiskarte, hindi. Dahil bago maging madiskarte ang isang lalake, marami siyang bagay na dapat asikasuhin at itanim sa isip niya, iensayo at gawin, bago pa man niya makita ang babaeng gusto niya.

Ang tanong, paano?

Ano nga ba ang Kwento Ko?

Sino nga ba si Kuyzak? Ahem.

Isa akong bigong lalake dati. Ilang taon din akong nagtiis na walang girlfriend. Wala akong kakayanan makipagusap sa mga babae. Kung makikipag-usap man, ito'y sa paraang aantukin ka habang kausap ako.

"San ka nag-aaral?"
"Anong course mo?"
"Ahh..."
*Ilang segundo pa at makakatulog na ang babae.*

Nagkaroon ako ng girlfriend ngunit hindi kami tumagal ng isang buwan dahil sa isang buwan na "kami" ay hindi man lang ako nagparamdam sa kanya. Nung una akong magtext isang buwan makalipas niya akong sagutin, ay nakipagbreak din siya agad. Wala daw akong kwenta. O wala akong pagpapahalaga. Sa mura kong isipan, halos hindi ko pa maintindihan yon (o malamang ayaw ko lang tanggapin.) Ngunit makalipas ang ilang taon, ilang babae rin ang dumaan sa buhay ko. Pasaglit-saglit lang. At wala akong matandaan sa mga babaeng yon ang talagang nagustuhan ko. Ngunit me isang babaeng dumating na nagpabago ng lahat.

Maganda, Sexy, Maputi, Tisay. At siguradong hindi nakakapagod imaginenin kapag mag-isa ka na lang sa kama. Siya na ata ang DREAM GIRL ko.

Pinakilala siya sa akin ng mga barkada ko.
Text-text. Balak ko na siyang ligawan, pero sa sobrang ganda niya, at sa pakiramdam ko na di ko siya maabot, lagi akong natotorpe kapag kasama siya. Kahit katabi ko siya, pakiramdam ko me malaking pader na nakaharang sa pagitan naming dalawa. At dumating sa punto na nagpahiwatig na siya sa akin na walang pagkakataon na maari ko siyang maging girlfriend.
Aray.
Ang sakit non, pre.
Eto na ang babaeng akala ko ay mapapangasawa ko, pero BINASTED ako.
Eto ang punto sa buhay ko na nagdesisyon akong magbago.
Naramdaman ko na binasted niya ako hindi dahil masama siyang babae (malambing siya, sa totoo lang), kundi dahil hindi ako marunong makitungo bilang lalaki sa isang babae. Kaya simula non, napagdesisyonan kong gagawin ang lahat para hindi na maulit ang nangyaring yon.
At dun nagsimula ang isang panibagong buhay.

...

Internet ang naging daan ng pagbabago.
Nadiskubre ko ang mga sites na nagtuturo ng mga epiktibong "diskarte" sa babae. Binasa ko eto ng walang pahinga. Nginuya na parang gutom. Hehehe. Hindi ako makapaniwala na meron palang mga sistema ng panliligaw at meron palang lebeling diyan. Kung sa tradisyonal na panliligaw ang hagdan ay pakikipagkaibigan;bigay bulaklak;text-text;paloadan si babae;hatid pauwi ng bahay;text-text; kita ulit kinabukasan; proposal tapos sagot - sa Western iba.
Ibang-iba.
Hindi PANLILIGAW kundi PURONG DISKARTE. :D

At hayon, sa tinagal tagal ng pagbabasa ko ng mga yon, lumago ako mula sa pagiging torpe hanggang sa pagkakaroon ng "choice" sa babae. Sa ngayon, may girlfriend ako na mahal na mahal ko at mahal na mahal rin ako. :D

Ngunit sa ilang taon kung pagbabasa at pagsasagawa ng mga nabasa ko, hindi lahat yon ay matagumpay. Mas matitindi pa nga ang kahihiyan na naranasan ko, kumpara sa nong torpe pa lang ako. Pero hindi yon naging sapat para sumuko. (Manny Pacquaio ikaw ba yan?) Isa pa, naisip ko na kapag mas higit ang premyo, mas malaki rin ang dapat kung isugal (as in, malaking kahihiyan). Kaya sa ngayon, heto ako, handa ng ibahagi ang mga bagay na nakatulong sa kin kung san man ako ngaun.

Kaya mga  Dudes at Pre, Tsong at Tol, sana makatulong ako sa paglago ninyo sa inyong "diskarte sa chicks." Panahon na para ilahad ang Diskarteng Kuyzak. Are you Ready to Jumble?

P.S. Kung meron sa inyong nais magbahagi ng kanyang sariling pananaw sa mga bagay na pinag-uusapan dito, o kahit hindi man, malugod kitang tinatanggap.